Yangi mavsum boshlanishiga  tobora oz vaqt qolmoqda. Uzoq tanafusdan so‘ng barcha futbol muxlislari mavsum startini intiqlik va hayajon bilan kutib turishibdi. Jamoalar bilan birgalikda muxlislar ham yangi mavsumga tayyorgarlik ko‘ra boshlashmoqda.

Bir necha yillardan beri O‘zbekistonda har bir jabhada barchaga o‘rnak bo‘lib kelayotgan buxorolik muxlislar, xususan  “Buxoro”ning fan-klubi ham yangi mavsumga tayyorgarlikni boshlab yubordi.

Yil davomida “Buxoro”ni har bir uchrashuvda stadiondan turib qo‘llab-quvvatlab turishni xoxlovchilar fan-klub a’zosiga aylanishga oshiqishlari tabiiy. Fan-klubga muxlislarni qabul qilish davom etmoqda.

Ertaga, 28-yanvar kuni soat 14:00dan 16:00 gacha fan-klubga a’zo bo‘lishni xoxlovchi barcha muxlislarni “Buxoro” sport majmuasiga taklif etamiz.

Muxlislar klubiga a’zo bo‘lishni xoxlovchilar o‘zlari bilan 2 dona 3x4 hajmdagi fotosurat va pasport nusxasini olib kelishlari so‘raladi. Bu yig‘ilishni yangi saylangan fan-klub raislari olib borishadi.

Qo‘shimcha ma’lumotlar uchun quyidagi raqamga murojaat etishingiz mumkin:

+99890 612-34-52  

+99890 299-65-56