«Vilyarreal» hujumchisi Patoning «Tyanszin Syuanszyan» klubi bilan shartnoma imzolashi nima uchun kechiktirilgani ma’lum bo‘ldi.

AS xabariga ko‘ra, 27 yoshli braziliyalik xitoyliklardan yiliga 10 mln yevro maosh talab qilmoqda, klub esa unga 6 mln yevro berishga rozi.

Ayni paytda bu boradagi muzokaralar davom etmoqda. Avvalroq futbolchi tibbiy ko‘rikdan muvaffaqiyatli o‘tib, klub futbolkasida suratga ham tushgan edi. Biroq, shundan so‘ng shartnoma imzolashi kechiktirilgani haqida xabarlar chiqqan edi.