«Yuventus» bosh murabbiyi Massimiliano Allegri «Sassuolo» (2:0) klubiga qarshi o‘yinda hujumchi Paulo Dibalaning qilig‘iga izoh berdi.
Futbolchi almashtirilgan paytda murabbiyning qo‘lini siqishdan bosh tortgan edi.
«Men uni tushunaman. Futbolchilarning hammasi maydonda qolishni istaydi. Dibala yaxshi o‘ynagan edi. Ba’zan futbolchilar almashtirilayotganda g‘azablanadi, hechqisi yo‘q, bu o‘tib ketadi.
Ammo futbolchilar bir-birining qo‘lini siqmasa, bundan xafa bo‘laman. Chunki bu – hurmatsizlik belgisidir. Murabbiylar esa bu voqealarga ko‘nikib ketgan. O‘zim ham futbolchi bo‘lganman, buni tushunaman» - dedi Allegri Football Italia xabarida.
