«Real» klubining sobiq yulduzi Ugo Sanches hujumchi Krishtianu Ronalduni tanqid qildi.
Uning fikriga ko‘ra, futbolchi muxlislarning hushtakbozligiga qo‘pol javob qaytarmasligi lozim edi.
«Uning o‘rnida o‘zimni tasavvur qilishim qiyin, biroq meni ham ko‘p marta haqorat qilishgan. Ronaldu tilini tiyishi kerak. U o‘zicha bir narsani o‘ylashi mumkin, biroq gapirmasligi lozim. Aks holda munosabatlar buzilib qoladi. Ha, muxlislar sizni haqorat qilishi mumkin, ammo siz ularni qilolmaysiz» - dedi Sanches A Bola xabarida.
