"Liverpul" bosh murabbiyi Yurgen Klopp APLning 23-turida "Chelsi" bilan uchrashuvdan so‘ng (1:1) o‘z shogirdlaridan mamnunligini aytdi.

"Hissiyotlarimni ifodalashda "quvonch" so‘zini ishlatish to‘g‘ri bo‘lmaydi. Ammo o‘z o‘yinchilarimdan mamnunman, ular juda kuchli jamoaga qarshi ajoyib futbol ko‘rsatishdi. Natijani o‘zgartirib bo‘lmaydi. Biz mag‘lubiyatga uchrashimiz ham mumkin edi, axir "Chelsi" penalti tepdi.

Ikkinchi bo‘limda raqibga ko‘p muammolar yaratdik, ikkinchi, uchinchi golni ham urishimiz mumkin edi. O‘yin va uning atrofidagi muhitdan qoniqdim", - deydi Klopp.