“Nasaf” jamoasi 7 fevral kuni safarda, Osiyo chempionlar ligasining pley-off bosqichi doirasidagi uchrashuvni Saudiya Arabistonining “Al-Fotih” klubiga qarshi o‘tkazadi.

“Al-Fath” klubi yurtimiz futbol ishqibozlariga notanish emas. Ular OCHL-2014 mavsumda “Bunyodkor” klubi bilan bir guruhda qatnashgan. Shu yil “V” guruhida “Bunyodkor” bilan Qatarning “Al-Jayish”, Eronning “Fulad” va Saudiya Arabistonining “Al-Fotih” klublari bahs olib borishgan.

Dastlab,  25 fevral kuni o‘tkazilgan “Al-Fotih” (Saudiya Arabistoni) – “Bunyodkor” uchrashuvida 0:0 hisobi qayd etilgan. 16 aprel kuni Toshkentda bo‘lib o‘tgan uchrashuvda “qaldirg‘ochlar”  3:2 hisobida “Al-Fotih”ni mag‘lubiyatga uchratishgan.

Shu yili “Bunyodkor” guruh bosqichidan nimchorak finaliga yo‘llanma olgan bo‘lsa, “Al-Fotih” guruhda 4-o‘rinni egallab, OCHLdagi ishtirokini yakunlagan.

Shunisi diqqatga sazovorki, “Al-Fotih” bilan bo‘lgan har ikkala uchrashuvda ham “Nasaf” jamoasining tajribali himoyachisi Akmal Shorahmedov “Bunyodkor” tarkibida to‘liq o‘ynagan.

Demak, Akmal Shorahmedov endi “ajdarlar” safida yana bir marta “Al-Fotih”ga qarshi maydonga tushishi mumkin.