Farg‘onada bo‘lib o‘tayotgan “Hokim kubogi” musobaqasida ishtirok etayotgan "Navbahor" yoshlari guruhdagi so‘nggi uchrashuvni “Neftchi-1” jamoasiga qarshi o‘tkazishdi.
Farg‘onaliklar bilan o‘tgan o‘yinda futbolchilar ijobiy natija sari harakat qilishdi. O‘z navbatida “Neftchi” vakillari ham faqat g‘alabani ko‘zlagan holda to‘p surishdi. Ammo, yakunda uch ochkoni qo‘lga kiritish hech bir jamoaga nasib etmadi. Har ikki jamoa futbolchilarida gol urish uchun bir qator imkoniyatlar bo‘lsada, vaziyatlarni golga aylantirish hech kimga nasib etmadi va bahs 0:0 hisobidagi durang bilan yakun topdi.
Uchrashuvni "Navbahor" yoshlari quyidagi tarkibda o‘tkazishdi: Mirzohid Mamatxonov, Iskandar Sidiqjanov, Shahzod Hamidov, Javohir Olimjonov, G‘olibbek Karimov, Shohruhmirzo Ahmadaliyev, Abbos G‘ulomov, Akbarali Xoldorov (Muzaffar Abdullayev), Ahmad Mamadaliyev (Ilhom Aliboyev), Islom Abduqodirov (Bobir Tillaboyev), Abdumalik Abdullayev (Ibrohim Ismoilov).
Shu tariqa “A” guruhida qatnashgan yoshlarimiz 4 ochko jamg‘argan holda guruhda uchinchi o‘rinni band etishdi. Guruh g‘olibligini Farg‘onaning yana bir jamoasi “Istiqlol” 7 ochko bilan qo‘lga kiritgan bo‘lsa “Neftchi” klubining birinchi tarkibi besh ochko bilan ikkinchi pog‘onada qayd etildi. So‘nggi o‘rinni esa ochko to‘play olmagan Andijonning “O‘zDongJu” jamoasi band etdi.
