AQSH Federal surishtiruv byurosi (FSB) «Barselona» klubining sobiq prezidenti Sandro Roselga nisbatan surishtiruv ishlarini boshladi.
Cadena Ser xabariga ko‘ra, mulozim jinoiy yo‘l bilan topilgan pullarni legallashtirish, Internet orqali firibgarlik qilish va boshqa qonunbuzarliklarda gumonlanmoqda.
Shu munosabat yuzasidan, FSB Madridning №3 sudidan Roselga tegishli ofislarda tintuv ishlarini amalga oshirishni so‘ragan. Roselga yaqin manbalarning xabariga ko‘ra, ofislarda tintuv ishlari hali o‘tkazilmagan.
Eslatib o‘tamiz, FSB AQSHda ichki razvedka va huquqni muhofaza qiluvchi idora hisoblanadi.