«Barselona» «Real» yarim himoyachisi Iskoning xizmatlariga qiziqish bildirmoqda.

AS nashri ma’lumotiga ko‘ra, kataloniyaliklar klubi sport ishlari direktori Robert Fernandes Ispaniya terma jamoasi a’zosi bo‘lgan bu futbolchini kuzatib kelmoqda. «Barselona»dagilar Isko klubi bilan shartnomasini uzaytirmasligiga umid qilishmoqda. Bu esa mavsum oxiridagi boshlanishi kutilayotgan muzokaralarda qo‘l kelishi mumkin.

Bundan oldingi xabarlarda, «qaymoqranglilar» jamoasi bosh murabbiyi Zinedin Zidan Iskoni tarkibda olib qolishni istayotgani, «Qirollik klubi» rahbariyati esa unga yangi shartnoma taklif qilayotgani aytilgan.

Ammo amaldagi shartnomasi 2018 yilgacha tuzilgan Isko bu shartnomani uzaytirishni istamayapti.