«Navbahor» mavsumga tayyorgarlik jarayonidagi navbatdagi nazorat o‘yinida «Paxtakor»ga qarshi maydonga tushdi.
Uchrashuvning birinchi bo‘limi keskin kurashlarga boy tarzda o‘tdi. Har ikki jamoa a’zolari ham bir qator hujumlar tashkil etishgan bo‘lsa-da, tanaffusga qadar hisobni ochish hech kimga nasib etmadi. Ikkinchi bo‘limda, uchrashuv yakunlanishiga 20 daqiqa vaqt qolganida, «Navbahor» hisobni ochishga erishdi.
Zaxiradan maydonga tushgan Ro‘zimboy Ahmedov “Paxtakor” darvozasiga belgilangan penaltini aniq amalga oshirdi. Oradan biroz vaqt o‘tib Azizbek Turg‘unboyev ham o‘z hisobiga gol yozib qo‘ydi. Futbolchi chamasi 21 metrlar uzoqlikdan belgilangan jarima zarbasini golga aylantira oldi.
O‘rtoqlik o‘yini.
"Navbahor" - "Paxtakor" - 2:0
Gollar: Ahmedov, Turg‘unboyev
Uchrashuvni «Navbahor» quyidagi tarkibda o‘tkazdi: Asilbek Omonov, Jahongir Mehmonov, Abbos Otaxonov, Alisher Samatov, Tohir Shamsitdinov, A’zam Aliyev, Dilshod Jabborov, Mirzohid G‘ofurov, Oybek Qilichev, Mansur Saidov, Nemanya Yovanovich. Zaxiradan maydonga tushganlar: Akmal Ortiqov, Ilhom Boydedayev, Alisher Mirzayev, Ro‘zimboy Ahmedov, Ravshan Xursanov, Azizbek Turg‘unboyev, Abdulaziz Sultanov, Timur Tolipov.
“Paxtakor” jamoasi uchrashuvni quyidagi tarkibda o‘tkazdi: Lobanov, Alijonov, Bulyat, Oraxovas, Hoshimov, Ismatullayev, A.Ahmedov, Sohibov, Andreev, Karimov, Sergeev. Zaxiradan maydonga tushganlar: Ergashev, Alijonov, G.Ahmedov, Yusupov, Avilov, O‘runov, Mahmudhojiyev, Nurullayev, Ibrohimov, G‘anixonov, Hakimov.
