«Навбаҳор» мавсумга тайёргарлик жараёнидаги навбатдаги назорат ўйинида «Пахтакор»га қарши майдонга тушди.

Учрашувнинг биринчи бўлими кескин курашларга бой тарзда ўтди. Ҳар икки жамоа аъзолари ҳам бир қатор ҳужумлар ташкил этишган бўлса-да, танаффусга қадар ҳисобни очиш ҳеч кимга насиб этмади. Иккинчи бўлимда, учрашув якунланишига 20 дақиқа вақт қолганида, «Навбаҳор» ҳисобни очишга эришди.

Захирадан майдонга тушган Рўзимбой Аҳмедов “Пахтакор” дарвозасига белгиланган пенальтини аниқ амалга оширди. Орадан бироз вақт ўтиб Азизбек Турғунбоев ҳам ўз ҳисобига гол ёзиб қўйди. Футболчи чамаси 21 метрлар узоқликдан белгиланган жарима зарбасини голга айлантира олди.

Ўртоқлик ўйини.

"Навбаҳор" - "Пахтакор" - 2:0

Голлар: Аҳмедов, Турғунбоев 

Учрашувни «Навбаҳор» қуйидаги таркибда ўтказди: Асилбек Омонов, Жаҳонгир Меҳмонов, Аббос Отахонов, Алишер Саматов, Тоҳир Шамситдинов, Аъзам Алиев, Дилшод Жабборов, Мирзоҳид Ғофуров, Ойбек Қиличев, Мансур Саидов, Неманья Йованович. Захирадан майдонга тушганлар: Акмал Ортиқов, Илҳом Бойдедаев, Алишер Мирзаев, Рўзимбой Аҳмедов, Равшан Хурсанов, Азизбек Турғунбоев, Абдулазиз Султанов, Тимур Толипов.

“Пахтакор” жамоаси учрашувни қуйидаги таркибда ўтказди: Лобанов, Алижонов, Булят, Ораховац, Ҳошимов, Исматуллаев, А.Аҳмедов, Соҳибов, Андреев, Каримов, Сергеев. Захирадан майдонга тушганлар: Эргашев, Алижонов, Г.Аҳмедов, Юсупов, Авилов, Ўрунов, Маҳмудҳожиев, Нуруллаев, Иброҳимов, Ғанихонов, Ҳакимов.