Andrey Fyodorov murabbiyligidagi Farg‘onaning "Neftchi" jamoasi futbolchilari yangi mavsumga bo‘lgan tayyorgarlik jarayonini davom ettirish uchun Turkiyaning Antaliya shahriga yo‘l olishdi.
Farg‘ona jamoasi xorij yig‘ini davomida bir qator jamoalarga qarshi o‘rtoqlik bahslarida ishtirok etadi.
Xususan 7 fevralda Bolgariyaning "Pirin", 9 fevralda Bosniya va Gersegovinaning "Sarayevo", 12 fevral kuni Armanistonning "Shiroq" klubiga qarshi nazorat bahslari bo‘lib o‘tadi. Yig‘indagi boshqa raqiblar haqida keyinroq ma’lumot beramiz.
Turkiyaga parvoz qilgan delegasiya tarkibidan Baxtiyor Yoqubov hamda Akram Bahriddinov kabi futbolchilar o‘rin olishmadi. Mazkur o‘yinchilar jarohati tufayli Antaliya yig‘inini o‘tkazib yuborishadi. Shuningdek 2 hafta davomida "Chernomores Odessa" klubining mashg‘ulotlarida ishtirok etgan Nikita Pavlenko Turkiyada "Neftchi" safiga qo‘shiladi. Undan tashqari 3 nafar legioner o‘yinchilar xorij yig‘inidan "Neftchi" mashg‘ulotlarida ishtirok etishni boshlashadi.
"Neftchi" PFK delegasiyasi Toshkentdan quyidagi tarkib bilan xorijga yo‘l oldi.
Murabbiylar shtabi: Andrey Fyodorov (bosh murabbiy) Murod Ismoilov (katta murabbiy) Abdusamat Do‘rmonov (yordamchi murabbiy) Bahodir Shamshidinov (darvozabonlar murabbiyi)
Klub xodimlari: Zoxidjon G‘ofurov (bosh administator) Muxiddin Mirzayev (shifokor) Islombek Usmonov (shifokor) Danil Sepegin (massajchi)
Darvozabonlar: O‘tkir Yusupov, Abdumavlon Abdujalilov, Ruslan Matniyozov
Himoyachilar: Dilyor Irmatov, Furqat Hasanboyev, Muxsin Ubaydullayev, Husniddin G‘ofurov, Ibrohim No‘’monov, Hamza Karimov, Sardor Qulmatov
Yarim himoyachilar: Abbos Maxstaliyev, Javohir Rasulov, Abdujamol Isroilov, Said Abdujabborov, Umid Qodirov, Muzaffar Muzaffarov, Damir Nizanov, Abdurahmon Abdulhaqov
Hujumchilar: Sherzod Hakimov, Mo‘ydin Mamazulumov
