Farg‘ona bosh jamoasining Turkiyadagi yig‘ini reja asosida davom etmoqda.

7 fevral oqshomida “Neftchi” jamoasi Bolgariyaning “Pirin” klubiga qarshi o‘rtoqlik bahsida ishtirok etdi. O‘yin 2:1 natijasiga ko‘ra raqib foydasiga yakunladi. Bevosita o‘yinga to‘xtaladigan bo‘lsak, bellashuv teng kurashlar ostida o‘tdi. “Pirin” jamoasi yangi mavsumga bo‘lgan tayyorgarlik jarayonini yakunlab bormoqda va jamoa deyarli mavsumga shay holatda deb aytish mumkin.

Shu omillarni inobatga olganda, o‘yinda bolgariyaliklar golli vaziyatlarning ikkitasidan unumli foydalanishga muvaffaq bo‘lishdi. Farg‘onaliklar safidan esa Nikita Pavlenko bir marta Bolgariya jamoasi darvozasini nishonga oldi. 2:1. Umuman olganda 2 maxaldan og‘ir yuklamali mashg‘ulotlarni davom ettirayotgan futbolchilarimiz “Pirin”ga qarshi o‘yin orqali o‘zlarida yomon taassurot qoldirishmadi. Bellashuv davomida Sherzod Hakimov hamda Muhsin Ubaydullayevlar kichik jarohatlarga duch kelishdi.

“Neftchi” o‘yinda quyidagi tarkibda harakatlandi.

Asosiy tarkib: O‘tkir Yusupov, Muhsin Ubaydullayev, Hamza Karimov, Ibrohim No‘’monov, Dilyor Irmatov, Javohir Rasulov, Muzaffar Muzaffarov, Abdujamol Isroilov, Abbos Maxstaliyev, Said Abdujabborov, Sherzod Hakimov

Zaxiradan maydonga tushganlar: Sergey Konsevoy, Husniddin G‘ofurov, Furqat Hasanboyev, Umid Qodirov, Damir Nizanov, Dmitriy Komarovskiy, Nikita Pavlenko, Abdurahmon Abdulhaqov, Mo‘ydin Mamazulumov

“Neftchi”ning navbatdagi raqibi 9 fevral kuni Bosniya va Gersegovinaning “Sarayevo” jamoasi bo‘ladi. Rejadan yana bir qator o‘rtoqlik uchrashuvlari o‘rin olgan.