«Bavariya» bosh murabbiyi Karlo Anchelotti Germaniya chempionatidan o‘rin olgan «Ingolshtadt» (2:0) klubiga qarshi o‘yindagi g‘alabaga izoh berdi.
Myunxenliklar so‘nggi daqiqalarda urilgan 2 gol evaziga zafar quchgandi.
«Bu g‘alaba juda muhim edi, uni qo‘lga kiritish uchun bor kuchimizni sarfladik. Ikkinchi bo‘limda o‘yin suratini oshirib, o‘z maqsadimizga erishdik.
«Ingolshtadt» yaxshi himoyalandi, biroq biz haqiqiy iroda namoyish etib, g‘alaba qozonishga muvaffaq bo‘ldik» - dedi Anchelotti klub rasmiy saytining xabarida.
