«Napoli» darvozaboni Pepe Reyna Chempionlar ligasining nimchorak final bosqichida bo‘ladigan «Real»ga qarshi o‘yinga ruhan jiddiy tayyorgarlik ko‘rmoqda. Ushbu posbon o‘z vaqtida «Barselona» safida faoliyat olib borgan.

«Chempionlar ligasida "Real"ga yutqazishga haqim yo‘q. "Napoli" ortiqcha bosimlarsiz o‘ynashi kerak. Jamoamiz o‘zining tezligi va mahorati evaziga har qanday klubni mag‘lub etishi mumkin. O‘z kuchimizga va o‘z omadimizga ishonishimiz kerak.

Qo‘rqish uchun sabab yo‘q. Agar bu to‘qnashuvda "Napoli" mag‘lub bo‘lsa ham, Yevropaning eng yaxshi jamoasiga yutqazadi. Boshqa hech narsa sodir bo‘lmaydi. Agar "Napoli" g‘alaba qozonsa, qahramonlik ko‘rsatgan bo‘ladi», - deydi Reyna.