O‘tgan mavsumda qo‘qonlik muxlislar mehrini qozongan Nikola Valentich o‘z yurtiga jo‘nab ketdi.
Serbiyalik himoyachi Farg‘onada bo‘lib o‘tgan “Viloyat Hokimi Kubogi-2017”dagi g‘alabada o‘zining munosib hissasini qo‘shgandi. Lekin Nikola Valentichga tibbiy ko‘rik natijalariga ko‘ra shifokorlar futbol o‘ynashga ruxsat berishmadi. U davolanishi lozimligini aytishdi. Shu bois himoyachi Serbiyaga qaytib ketdi.
Jamoa ko‘rigida bo‘lib turgan yana bir serbiyalik hujumchi Filip Rayevas xususida to‘xtaladigan bo‘lsak, unga birinchi tibbiy ko‘rikdan so‘ng shifokorlar takroriy ko‘rikni tavsiya qilishdi. Shuning uchun u maydonga tushgani yo‘q. Alohida mashg‘ulot o‘tkazmoqda.
