Ayni damda o‘quv-yig‘in mashg‘ulotlarini poytaxtimizda olib borayotgan «Andijon», rejaga binoan bugun yana sinov-nazorat uchrashuvini o‘tkazdi.

Raqib «Paxtakor» yoshlar jamoasi bo‘ldi. Yomg‘ir ostida o‘tgan bahsda andijonliklar 2:1 hisobida zafar quchdi. Jamoaning gollariga Kamron Abduhamidov bilan Muhammadyusuf Abdumajidov mualliflik qildi.

Birinchi bo‘limda xarakat qilgan tarkib shunday ko‘rinishda bo‘ldi: Lochin Dolimov, Akbar Xodjayev, Qahramon Mahamadjonov, Abdurasul Komilov, Ibrohim Otaxonov, Jahongir Maqsudov, Sanjar Asqaraliyev, Maqsud Maqsudov, Farhod Bekmuratov, Oybek Nurmatov, Alisher Abduvohidov.

Ikkinchi bo‘limda esa quyidagi futbolchilar maydonga tushdi: Barakatillo Isroilov, Dilmurod Mahmudov, Ahror O‘ktamov, Mansur Mahsudov, Muhammadyusuf Abdumajidov, Abror Komilov, Kamron Abduhamidov, Xusniddin, G‘ayrat Jo‘rayev, Baxtiyor Qosimov, Abdulaziz Yoqubov.

Ertaga «Andijon» yana bir o‘rtoqlik uchrashuvida maydonga tushadi. Raqib - oliy liga vakili «Obod» jamoasidir. Tarkibda esa hozircha jiddiy o‘zgarishlar yo‘q.