"Arsenal" bu safar ham Yevropa chempionlar ligasini nimchorak final bosqichidan tark etishga yaqin turibdi. "Bavariya" o‘z uyida "kanonirlar"ni yaxshilab "savaladi".

O‘yinning 11-daqiqasida Robben olis masofadan berilgan chiroyli zarba bilan hisobni ochdi. 30-daqiqada esa Aleksis Sanches penaltidan foydalana olmay (darvozabon qaytardi), imkoniyatni qo‘ldan chiqargandek bo‘lgandi, ammo chililik futbolchi qaytgan to‘pni egalladi va 3 himoyachi orasidan darvozani ishg‘ol qildi.

Venger jamoasi uchun safarda urilgan mazkur golning qadri yuqori edi. Ammo Anchelotti shogirdlari ikkinchi bo‘limda inglizlar darvozasini oz emas, ko‘p emas naq 4 marta ishg‘ol qilishdi. Yakuniy hisob — 5:1.

Nazarimizda, bu juftlikda barcha masala hal bo‘ldi. Javob o‘yinida londonliklar "Bavariya" darvozasini 4 marta ishg‘ol qilishlari oson bo‘lmaydi.

YECHL, Nimchorak final, dastlabki o‘yin
"BAVARIYA" - "ARSENAL" 5:1 (1:1, 4:0)
Gollar: 1:0 – 11 Robben, 1:1 – 30 Sanches, 2:1 – 53 Levandovski, 3:1 – 56 Alkantara, 4:1 – 63 Alkantara, 5:1 – 88 Myuller.
Bavariya – Noyer, Martines, Xummels, Alaba, Lam, Xabi Alonso, Vidal, Alkantara, Robben (Rafinya, 88), Duglas Kosta (Kimmix, 84), Levandovski (Myuller, 86).
Arsenal – Ospina, Mustafi, Gibbs, Belyerin, Kosyelni (Gabriel, 49), Oksleyd-CHemberlen, Koklen (Jiru, 77), Ivobi (Uolkott, 66), O‘zil, Sanches, Jaka.
Ogohlantirishlar: Mustafi (15), Xummels (26), Sanches (33), Djaka (60), Lam (83).