Italiyaning «Peskara» futbol klubi Zdenek Zeman jamoaga bosh murabbiy etib tayinlangani haqida rasman ma’lum qildi.
Yangi bosh murabbiy keng jamoatchilikka bugun, 17 fevral kuni tanishtiriladi.69 yoshli chexiyalik mutaxassis «delfinlar» bosh murabbiyi lavozimida bir necha kun avval iste’foga chiqqan Massimo Oddoni almashtiradi. Zdenek «Peskara»da 2011-2012 yillar davomida ham ishlagandi. Keyinchalik u «Roma», «Kalyari» va «Lugano»ni boshqargan.
Ma’lumot uchun, «Peskara» A Seriyaning 24 turidan keyin 20-o‘rinni egallab turibdi hamda musobaqada qolish imkonini beruvchi 17-pog‘onadan 13 ochkoga ortda qolmoqda. Ushbu mavsumdagi yagona uch ochko esa ikkinchi turda - «Sassuolo» bilan o‘yindagi texnik g‘alaba natijasida qo‘lga kiritilgan.
