Италиянинг «Пескара» футбол клуби Зденек Земан жамоага бош мураббий этиб тайинлангани ҳақида расман маълум қилди.
Янги бош мураббий кенг жамоатчиликка бугун, 17 февраль куни таништирилади.69 ёшли чехиялик мутахассис «дельфинлар» бош мураббийи лавозимида бир неча кун аввал истеъфога чиққан Массимо Оддони алмаштиради. Зденек «Пескара»да 2011-2012 йиллар давомида ҳам ишлаганди. Кейинчалик у «Рома», «Кальяри» ва «Лугано»ни бошқарган.
Маълумот учун, «Пескара» А Сериянинг 24 туридан кейин 20-ўринни эгаллаб турибди ҳамда мусобақада қолиш имконини берувчи 17-поғонадан 13 очкога ортда қолмоқда. Ушбу мавсумдаги ягона уч очко эса иккинчи турда - «Сассуоло» билан ўйиндаги техник ғалаба натижасида қўлга киритилган.
