"Navbahor" a’zolari Toshkentda to‘planib, poytaxtdagi so‘nggi yig‘inni boshlashadi.
Mashg‘ulotlarda tunda O‘zbekistonga yetib kelganserbiyalik futbolchi Darko Stanoyevich ham ishtirok etadi. 2016 yilgi mavsumni “Olmaliq”da boshlab davralar oralig‘ida o‘z yurtiga jo‘nab ketgan himoyachi yarim yil davomida Serbiya superligasi vakili “Novi Pazar” klubi sharafini himoya qilayotgandi.
Faoliyati davomida O‘zbekistonda “Olmaliq”dan tashqari “Mash’al” va “Sho‘rtan” jamoalarida ham to‘p surganligi uchun futbolchi o‘zbekistonlik muxlislarga yaxshi tanish. Stanoyevich tibbiy ko‘rikdan o‘ta olsa “Navbahor” bilan shartnoma imzolash imkoniga ega bo‘ladi. Darko 1987 yilning 12 aprel sanasida Loznika shahrida tug‘ilgan.
