Bugun, 18 fevral kuni Qozog‘istonning Toldqo‘rg‘on shahridagi "Jastar" sport saroyida "Astana Arlans" va "Uzbek Taygers" jamoalari o‘rtasida WSB uchrashuvi bo‘lib o‘tadi. Qozog‘istonning Vesti.kz bahslar oldidan qozoq va o‘zbek bokschilarining imkoniyatlarini chamaladi.
Prezidentning "Astana" klubiga kiruvchi "Astana Arlans" bokschilarini uyda o‘tadigan WSB bahsida "Uzbek Taygers"ga qarshi jiddiy sinov kutib turibdi, deb yozadi Vesti.kz. Kutilganidek, "yo‘lbarslar" bu qarama-qarshilikka prinsipial yondoshib, Toldiqo‘rg‘onga ichida Rio Olimiadasining uch sovrindori bo‘lgan haqiqiy jangovar tarkib bilan kelishdi.
"Uzbek Taygers" WSB yetttinchi mavsumining birinchi uchrashuvida "Chayna Dragons"ga qarshi safarga unchalik kuchli bo‘lmagan tarkibini olib bordi va mag‘lub bo‘ldi. Qozog‘istonda esa, O‘zbekistonning deyarli eng kuchli bokschilari ringga chiqadilar. Mehmonlar tarkibida Rio Olimpiadasining mutlaq sovrindori Hasanboy Do‘stmatov yo‘q, xolos.
Ammo usiz ham jamoa sovrindor va taniqlik bokschilar bilan to‘la. Qozog‘istonga Rio Olimpiadasining uch sovrindori keladi, shuning o‘zi "yo‘lbarslar"ning niyatlarini oshkor qiladi. "Astana Arlans" safida esa, o‘tgan yilgi Olimpiadaning bir qatnashchisi bor.
Oljas Sattibayev - Abrorjon Qadirov (52 kg)
Birinchi jangda qozoq jamoasining sardori tushadi. O‘tgan Olimpiadada Sattibayev 1/8 finalgacha borgan, u yerda ozarbayjonlik lvin Mamishzodaga yutqazgan. Unga qarshi "arlanlar"ga o‘tgan mavsumda yaxshi tanish bo‘lgan Abrorjon Qodirov ringga ko‘tariladi. O‘shanda, aprel oyida o‘zbek bokschisi Azat Mahmetovga mddatidan oldin yutqazgan edi. Shuning uchun Sattibayevda raqibidan ma’lum darajada ustunlik bor, deyish mumkin.
Zokir Safiullin - Murodjon Ahmadaliyev (60 kg)
Safiullinga Toldiqo‘rg‘onda biroz qiyin bo‘ladi. Uning raqibi oxirgi ikki yilda jahonning yirik arenalarida barqaror va kuchli tomonlarini ko‘rsatib kelmoqda. 22 yoshli Ahmadaliyev aaval Dohada o‘tgan jahon chempionatida (2015 yil) kumush, so‘ngra Rioda bronza medalini qo‘lga kiritgan. Ammo Zokirni hech qanday nom va sovrinlar cho‘chitmaydi. WSBning yangi mavsumi oldidan Safiullin ruhan bardam ekanligi va faqat g‘alaba uchun jang qilishini ta’kidlagan.
Aslanbek Shimbergenov - Shahram G‘iyosov (69 kg)
Bu juftlikda tomoshabinlarni qiziq jankutib turibdi. G‘iyosov qozoq muxlislarga Riodagi o‘yinlari bilan tanish. Olimpiada finalida 60 kilogrammgacha bo‘lgan vaznda Daniyar Yeleusinov bilan aynan shu bokschi ringga chiqqan edi. O‘shanda o‘zbek bokschisi Yeleusinovga yutqazgan, ammo bosim va kuchli iroda namoish qilgan edi.
Ta’kidlash joiz, G‘iyosov oxirgi JCH finalida Yeleusinovni yenggan marokashlik Muhammad Robiyni Olimpiada musobaqasidan chiqarib yuborgan edi. Shimbergenovda esa chidamlilik xislati bor. Shahram G‘iyosov WSB da faqat bir jang o‘tkazgan bo‘lsa, Shimbergenov yettita jang o‘tkazgan (besh g‘alaba, ikki mag‘lubiyat). Shimbergenovning eng yorqin yutug‘i sifatida 2015 yilda kubalik Ronyel Iglesias Sotolongoni mag‘lub etganini keltirish mumkin. Tajriba natijaga katta ta’sir qilishi mumkin.
Nurdaulet Jarmanov - Bektimir Meliqo‘ziyev (do 81 kg)
Eng qiyini Jarmanovga bo‘ladi. Meliqo‘ziyev o‘zining 20 yoshida Osiyo chempioni (2015), Jahon chempionati (2015) va Rio Olimpiadasi (2016) musobaqalarining kumush medali sohi bo‘lishga ulgurgan. Mutaxassislar iqtidorli bokschini havaskorlar boksida o‘z vaznida eng istiqbolli bokschi deb bilishmoqda.
Ta’kidlash joiz, Bektemir barcha sovrinlarini 75 kg gacha bo‘lgan vazn toifasida qo‘lga kiritgan. Toldiqo‘og‘onda u og‘irroq vaznda ringga chiqadi. Jarmanov WSB da to‘rt jang o‘tkazib, bir g‘alabaga erishgan.
Qamshibek Ko‘nkabayev - Bahodir Jalolov (+ 91)
Bu juftlikda harbiylar o‘rtasida jahon chempioni Ko‘nkaboyev yaxshi imkoniyatga ega. Buning ustiga uning raqibi Butunjahon Boks seriyasida debyut qilmoqda. Jalolov 2015 yildagi jahonchempionatida bronza medali olgan, Olimpiadada 1/4 finalgacha borgan. Qamshibek "Astana Arlans"da uch jang o‘tkazib, bir marta mag‘lub bo‘lgan.
Eslatib o‘tamiz, uchrashuv janglar 18 fevral kuni Toldiqo‘rg‘ondagi "Jastar" sport saroyida bo‘lib o‘tadi.
