«Sevilya» bosh murabbiyi Xorxe Sampaoli ispan matbuotida tarqatilgan xabarlarga o‘z munosabatini bildirdi.

Avvalroq "Barselona" bosh murabbiy lavozimi uchun argentinalik mutaxassisning xizmatlariga qiziqish bildirayotgani haqida xabarlar tarqatilgandi. "Ko‘k-anorranglilar" bosh murabbiyi Luis Enrikening jamoadagi kelajagi hozircha noma’lum bo‘lib turibdi.

«Ommaviy axborot vositalari Luis Enrike erishgan natijalarni baholash uchun yetarli vakolatga ega emas. Luis Enrikening o‘zi bir qarorga kelganidan keyingina «Barselona» bosh murabbiyi lavozimi bo‘sh deb hisoblanishi mumkin. Men xotirjamman. Boisi, bunday xabarlarni men tarqatmayman. Bunga o‘zim aralashganimda, u holda xotirdam bo‘la olmasdim. «Barselona» haqidagi mish-mishlarga mening aloqam yo‘q», — dedi Sampaoli.

Avvalroq «Barselona» futbolchilari Luis Enrikening ba’zi qarorlaridan norozi bo‘lishgani va uning jamoadan ketishiga ishonchlari komil ekani haqida xabarlar tarqalgandi. Klub rahbariyati yangi bosh murabbiy tayinlash masalasini yaqin kunlarda muhokama qilishi kutilmoqda. Luis Enrikening kataloniyaliklar bilan tuzgan shartnomasi 2017 yilning yozida yakuniga yetadi.