«Dinamo» jamoasi Toshkentda o‘tayotgan ikkinchi yig‘ini doirasidagi ikkinchi nazorat uchrashuvini Jizzaxning «So‘g‘diyona» klubiga qarshi o‘tkazdi.
Nazorat bahsida ikki tomon ham bir qator futbolchilarni sinovdan o‘tkazdi. Bahsning 30-daqiqasida to‘p himoyachi Bunyod Isroilovga tegib, darvoza to‘ridan joy oldi - 0:1.
«Dinamochilar» o‘yin davomida raqibdan ko‘proq vaziyatlar yaratgan bo‘lishlariga qaramay, bahsda yutqazishdi.
Nazorat uchrashuvi. Toshkent.
19 fevral (yakshanba)
«DINAMO» - «SO‘G‘DIYONA» - 0:1
Gol: Bunyod Isroilov, 30 (avtogol).
«Dinamo»: Mixail Naumov, Bunyod Isroilov, Firdavs Abdusalimov, Akmal Bozorov, Ilhom Komilov, Jasur Azimov, Omadjon Tayloqov, Iskandar Xolmirzayev, Dilyaver Abibullayev, Javohir Qahramonov, Sardor Sulaymonov.
Ikkinchi bo‘limdan maydonga tushganlar: Komil Sharofutdinov, Jonibek Ko‘chimov, Asomiddin Mamatov, Amirjon Safarov, Hakimxon A’lamxonov, Abdumalik Abdullayev.
«Dinamo» jamoasi navbatdagi o‘rtoqlik uchrashuvini 21 fevral, seshanba kuni Termizning «Surxon» jamoasiga qarshi o‘tkazadi. 22 fevralda esa Namanganning «Navbahor» klubi bilan o‘yin kutib turibdi.
