Bekobodning “Metallurg” jamoasi Turkiyaning Antaliya shahrida tashkillashtirilgan ikki haftalik o‘quv-mashg‘ulot yig‘ini yakunladi va mamlakatimizga qaytib keldi.   Belek shahrida bekobodliklar yig‘in davomida beshta nazorat uchrashuvini o‘tkazdi va shulardan 3 tasida g‘alaba qozondi, ikkita uchrashuvda esa imkoniyatni boy berdi. Yig‘inning so‘nggi kuni poytaxt viloyati vakillari Ukrainaning “Dnepr” (CHerkask) jamoasiga qarshi o‘tkazib, 0:1 hisobida imkoniyatni boy berdi.   Garchi, “Metallurg” bu o‘yinda to‘liq ustunlikka erishgan bo‘lsa-da, futbolchilarimiz yaratilgan vaziyatlarni golga aylantira olishmadi. O‘z vaqtida sobiq Ittifoq terma jamoasi tarkibida 12 ta uchrashuvda maydonga chiqib, raqiblari darvozasiga 1 ta gol urgan Vadim Yevtushenko shogirdlari esa birgina imkoniyatdan foydalanib, g‘alabani ilib ketishdi. O‘tgan yilgi mavsumda birinchi ligada ikkinchi o‘rinni egallab, kumush medallarni qo‘lga kiritgan “Dnepr” jamoasi bu mavsum o‘z oldiga kuchlilar safiga chiqish vazifasini qo‘ygan. Oxirgi o‘yinga doir yana bitta ma’lumot, uchrashuv bosh hakamiga yon chiziqda o‘zbekistonlik sobiq laynsmen Rafael Ilyasov yordam berdi.   Murabbiylar shtabi jamoa O‘zbekistonga yetib kelgach, o‘yinchilarga kichik ta’til berdi. Keyingi yig‘in esa chorshanba kunidan e’tiboran yana Chirchiq shahrida davom ettiriladi.   “Metallurg” – “Dnepr” – 0:1 (0:0).18.02.2017 yil. Belek shahri. Hakamlar:Nikolay Voloshin, Rafael Ilyasov, Dmitriy Koloskov, Mixail Volkov. Nazoratchi hakam:Sergey Masura.  “Metallurg”:Suhrob Sultonov, Davron Karimqulov, Hikmat Hoshimov, Doston Tursunov, Mirg‘iyos Sulaymonov, Doniyor Odilov, Islom Isoqjonov, Jahongir Abdumo‘minov, Sanjar Qodirqulov, Dilmurod Karimov, Zohid Abdullayev. Zahira: Zafar Safoyev, Ayubxon No‘’monov, Doniyor Ismoilov, Alisher Ziyovuddinov, Muhammadodil Qahramonov, Umid Rahimov, Kamronbek Kopadze.