Italiya terma jamoasining sobiq bosh murabbiyi Marchello Lippi, «Yuventus»ning Chempionlar ligasidagi imkoniyatlarini chamalab ko‘rdi.
«Yuve» Chempionlar ligasining favoritlaridan biri desak, mubolag‘a bo‘ladimi? Yo‘q. Kimdir «Ular 2015 yilda finalda «Barselona»ga yutqazgan, endi esa yanada kuchliroq bo‘lishdi va g‘alaba qozonishadi» deyishi mumkin. Biroq bu noo‘rin taqqoslashdir.
Men ajratib ko‘rsatishim mumkin bo‘lgan muhim jihat – ularda o‘z kuchiga bo‘lgan ishonch va katta o‘yinlarda g‘alaba qozonishlari mumkinligiga ishonch ortdi.
Yana bir muhim omil: musobaqada mag‘lubiyatga uchramaydigan jamoa yo‘q. «Barsa» uni tark etishga yaqin. «Bavariya» «Arsenal»ni (5:1) tor-mor etdi. Biroq bu hali hech narsani anglatmaydi» - dedi Lippi.
