10 fevral kuni Chirchiq shahrida boshlangan jamoamizning so‘nggi yig‘ini bugun o‘z yakuniga yetadi. Avvalgi rejaga o‘zgartirish kiritilgani bois yig‘in erta yakunlanadigan bo‘ldi, deya xabar beradi "Qo‘qon-1912" jamoasining rasmiy sayti.

Aniqrog‘i, 23 fevral kuniga belgilangan Qozog‘istonning Ekibastuz jamoasi bilan o‘rtoqlik o‘yini bekor qilindi. Bunga sabab Qozog‘iston klubining Toshkentga kelmagani bo‘ldi. Endi futbolchilarimizga qisqa muddatli ta’til beriladi. Futbolchilarimiz ikki kun dam olishgach, 25 fevraldan Qo‘qonda to‘planishadi va oliy liganing 1-turidan o‘rin olgan “Nasaf” jamoasiga qarshi bahsga tayyorgarlik ko‘rishadi.

So‘nggi yig‘in davomida futbolchilarimiz beshta o‘rtoqlik uchrashuvini o‘tkazishib, uchta bahsda g‘alaba qozonishdi (“So‘g‘diyona” 5:0, “Dinamo” 6:1, “Qizilqum” 1:0), bitta o‘yinda durang natija qayd etildi (“Sho‘rtan” 2:2) va bitta bellashuvda mag‘lubiyatga uchrashdi (“Navbahor” 0:3).