Toshkentda Namanganning «Navbahor» jamoasiga qarshi maydonga tushgan «Dinamo» jamoasi qiziqarli o‘tgan bahsda g‘alaba qozondi.
Bir necha kun oldin jamoa tarkibiga moldovalik 21 yoshli himoyachi Radu Rogan kelib qo‘shilgan bo‘lsa, bugun so‘nggi mavsumni «Qo‘qon-1912» jamoasi safida o‘tkazgan Orif Mamajonov va Shoxruh Xolmatovlar kelib qo‘shilishdi.
«Navbahor» jamoasiga qarshi kechgan nazorat uchrashuvida jamoamiz murabbiylari bir qator futbolchilarni sinovdan o‘tkazishdi.
O‘yin davomida har ikki jamoa ham ko‘plab golli vaziyatlar yaratdi. Namanganliklardan Mansur Saidov, Ro‘zimboy Ahmedov, Nemanya Yovanovich singari futbolchilarda gol urish uchun imkoniyatlar bo‘lgan bo‘lsa, «Dinamo» tarkibidan Sardor Sulaymonov, Dilyaver Abibullayev, Jasur Azimovlar hisobni o‘zgartirishlari mumkin edi.
Qiziqarli kechgan bahsning 66-daqiqasida jamoamiz safida ko‘rikdan o‘tayotgan Orif Mamajonovning kiritgan goli yakunda «Dinamo»ga «Navbahor» ustidan g‘alaba keltirdi, 1:0
Nazorat uchrashuvi. Toshkent.
22 fevral (chorshanba)
«DINAMO» - «NAVBAHOR» - 1:0
Gol: Orif Mamajonov, 65.
«Dinamo»: Mixail Naumov, Firdavs Abdusalimov, Shoxruh Xolmatov, Radu Rogan, Ilhom Komilov, Jasur Azimov, Iskandar Xolmirzayev, Dilyaver Abibullayev, Javohir Qahramonov, Orif Mamajonov, Sardor Sulaymonov.
Ikkinchi bo‘limda maydonga tushganlar: Rustam Toshturdiyev, Akmal Bozorov, Asomiddin Mamatov, Amirjon Safarov, Hakimxon A’lamxonov, Komil Sharofutdinov, Abdumalik Abdullayev, Diyor Malikov.
«Navbahor»: Akmal Ortiqov, Jahongir Mehmonov, G‘iyos Komilov, Hasanboy Ergashev, Tohir Shamshitdinov, Alisher Mirzayev, Mansur Saidov, Oybek Qilichev, Azizbek Turg‘unboyev, Ro‘zimboy Ahmedov, Nemanya Yovanovich.
Ikkinchi bo‘limda maydonga tushganlar: Asilbek Amanov,Timur Tolipov, A’zam Aliyev, Alisher Samatov, Ilhom Boydedayev, Ravshan Xursanov, Mirzohid G‘ofurov, Abduaziz Sultonov.
«Dinamo» jamoasi navbatdagi uchrashuvni ertaga, 23 fevral kuni «Bunyodkor» akademiyasi stadionida «Bunyodkor» klubi o‘rinbosarlariga qarshi o‘tkazadi.
