Vyetnam chempionatidan o‘rin olgan "Xoshimin" - "Dongtam Longan" o‘yinida mojaro yuz berdi.

Hisob 2:2 bo‘lib turganida, bosh hakam «Dongtam» darvozasiga penalti belgiladi. Shundan so‘ng, bundan norozi va darg‘azab bo‘lgan mehmonlar raqibning gol urishiga atayin qarshilik ko‘rsatishmadi va osonlikcha uchta golni o‘tkazib yuborishdi.

Vyetnam futbol federasiyasi voqea tafsilotlarini o‘rganib chiqib, «Dongtam» sardori Xuin Kuang Txan va darvozabon Nguen Min Nxutni 2 yil muddatga futboldan chetlatdi. O‘yindan so‘ng iste’foga chiqqan bosh murabbiy esa uch yilga diskvalifikasiya qilindi.