“Nasaf” jamoasi futbolchilari XXVI O‘zbekiston chempionatining 1-tur uchrashuviga tayyorgarlikni boshladi.
Qisqa ta’tildan so‘ng 26 fevral kuni klub qarorgohida yig‘ilgan jamoa, Oliy liganing 1-tur uchrashuviga tayyorgarliklarni boshlab yubordi.
Jasur Abdurayimov boshchiligdagi Olimpiya terma jamoasi yig‘iniga chaqirilgan futbolchilar Azizjon G‘aniyev, Odiljon Hamrobekov, Doniyor Narzullayev va Bobir Abduxoliqov ham safimizga qo‘shilishgan. “Ajdarlar” endi to‘liq tarkibda mashg‘ulotlarga kirishdi.
Jamoa 1-tur tayyorgarliklari yuzasidan kuniga ikki martadan klub qarorgohida mashg‘ulotlar olib boradi.
Eslatib o‘tamiz, “Nasaf” XXVI O‘zbekiston chempionatining 1-tur uchrashuvini safarda “Qo‘qon-1912” jamoasiga qarshi o‘tkazadi. Uchrashuv 4 mart shanba kuni bo‘lib o‘tadi.
