"Arsenal" yarimhimoyachisi Mesut O‘zil 2010 yilda faoliyatinning o‘zgarishiga nima ta’sir qilgani haqida so‘zladi.

"JCH-2010 musobaqasidan so‘ng men bilan bir nechta klublar qiziqishdi - "Real", "Barselona", "Bavariya", "Manchester Yunayted". Agentim "Bavariya" vakillari bilan muzokara olib bordi, ularning taklifini tingladik, ammo boshqa klublar bilan muzokara qilmaguncha, ularning taklifini qoldirib turishga qaror qildik. Barselonaga otlanishdan oldin shu mening navbatdagi klubim ekaniga ishongandim va shu jamoada o‘ynash istagim ham bor edi. O‘sha vaqtda ular eng chiroyli futbolni ko‘rsatar edilar.

Ammo Pep muzokaralarda ishtirok etmadi, hatto bir necha kun o‘tganidan so‘ng ham u menga qo‘ng‘iroq ham qilmadi. Hatto xabar ham yozmadi. U meni jamoasiga qo‘shish itsagini bildirmadi. Shuning uchun "Barselona"ga o‘tish istagim bir pasda so‘ndi", - eslaydi O‘zil.