Oliy liganing 1-turidan o‘rin olgan "Mash’al" - "Lokomotiv" (0:1) uchrashuvidan so‘ng, mezbonlar ustozi Aleksandr Xomyakov o‘z fikrlari bilan o‘rtoqlashdi.
Birinchi o‘yinda muxlislarni yangi mavsumning boshlanishi bilan tabriklamoqchiman. Afsuski, birinchi o‘yinda g‘alaba qozona olmadik. Umuman olganda, muxlislar bizni qo‘llab quvvatlashlarini istardik va biz bunga javoban ularga g‘alaba taqdim etishga harkat qilamiz. Albatta, bu o‘yinda biz buni amalga oshirolmadik. Biroq, o‘tgan mavsum chempioniga qarshi to‘p tepdik va qaysidir jihatlarda bilan ulardan ortda qoldik deb aytolmayman. O‘yin ancha jonli va qiziqarli tarzda o‘tdi. Bizga biroz bosiqlik yetishmadi va shu o‘rinda raqibning tajribasi ish berdi. Ularda bitta vaziyat yuzaga keldi va shundan ham foydalana olishdi, biz esa aksincha ko‘plab vaziyatlarni ko‘kka sovurdik. Umid qilamanki, keyingi o‘yinlarda muxlislarni xursand qilishga harakat qilamiz, - deydi Aleksandr Xomyakov
