Олий лиганинг 1-туридан ўрин олган "Машъал" - "Локомотив" (0:1) учрашувидан сўнг, мезбонлар устози Александр Хомяков ўз фикрлари билан ўртоқлашди.

Биринчи ўйинда мухлисларни янги мавсумнинг бошланиши билан табрикламоқчиман. Афсуски, биринчи ўйинда ғалаба қозона олмадик. Умуман олганда, мухлислар бизни қўллаб қувватлашларини истардик ва биз бунга жавобан уларга ғалаба тақдим этишга ҳаркат қиламиз. Албатта, бу ўйинда биз буни амалга оширолмадик. Бироқ, ўтган мавсум чемпионига қарши тўп тепдик ва қайсидир жиҳатларда билан улардан ортда қолдик деб айтолмайман. Ўйин анча жонли ва қизиқарли тарзда ўтди. Бизга бироз босиқлик етишмади ва шу ўринда рақибнинг тажрибаси иш берди. Уларда битта вазият юзага келди ва шундан ҳам фойдалана олишди, биз эса аксинча кўплаб вазиятларни кўкка совурдик. Умид қиламанки, кейинги ўйинларда мухлисларни хурсанд қилишга ҳаракат қиламиз, - дейди Александр Хомяков