Farg‘onaning “Neftchi” jamoasi yoshlari mavsumning ilk o‘yinini G‘uzorda “Sho‘rtan” o‘rinbosarlariga qarshi o‘tkazishdi.
Yashil maydonni sog‘ingan yoshlar jamoalari o‘rtasidagi bahs qizg‘in ko‘rinish oldi. Bahsda mehmonlar tezkor gol kiritishga muvaffaq bo‘lishdi. Raqib darvozabonini ancha oldinga chiqib ketganini ko‘rgan Otabek Isroilov to‘pni havolatib darvoza to‘riga joylab qo‘ydi. Shu tariqa bahsda hisob ochildi.
Goldan ruhlangan Bahrom Haydarov jamoasi yana ketma-ket oldinga o‘tdi. Gol muallifi Otabek Isroilov shu kuni ancha faol o‘ynadi va jamoaning hujumlarida asosiy vazifani bajardi. Birinchi bo‘limning o‘rtalarida kelib “Neftchi” futbolchisi Islom Toshpo‘latov raqib darvozasini ikkinchi marta ishg‘ol etishga erishdi. Biroq hakam mazkur vaziyatni o‘yindan tashqari holat deya baholadi. 34-daqiqaga kelib g‘uzorliklar hisobdagi ko‘rinishni o‘zgartirishga erishishdi. G‘uzor yoshlari hakam tomonidan belgilangan penaltini golga aylantirishdi. 1:1. Birinchi bo‘lim durang bilan tugadi. Ikkinchi bo‘limda kurash yanada qizidi va hujumlar xavfli ko‘rinish oldi. Ayniqsa ikkinchi bo‘lim oxiridi jamoalarda g‘alabani ilib ketish uchun bir qator qulay vaziyatlar bo‘ldi. Lekin o‘yinda boshqa gol kiritilmadi.
Yoshlar ligasi. 1-tur.
3 mart. 2017-yil. G‘uzor
“Sho‘rtan” – “Neftchi” 1:1
Gollar: Shaxzod Xursanov 34 - Otabek Isroilov 2
"Sho‘rtan": Akmal Rahimov, Mirmuhsin Sattorov, Akrom Bahromov, Shamsiddin Sagdullayev, Islom Shodmonov, G‘ulom Rahmonov, Jasur Xolto‘rayev, Nurali Padarov, Shahzodbek Xursanov, Yusuf Bo‘riyev, Olimjon Karimov
Zaxira: Jahongir Karimov, Shahboz Jo‘rayev, Temur Komiljonov, Shohjahon Ma’rufov, Sherbek Eshmurodov, Bahromjon Ro‘ziy, Rustam Haydarov
"Neftchi": Ruslan Matniyazov, Abror Ismoilov, Islom Toshpo‘latov, Abduqodir Artiqov, Otabek Isroilov, Siroj Ro‘zmetov, Mirjamol Ne’matov, Shodiyor Xojimatov, Jamshid Qobulov, Avaz O‘lmasaliyev, Elamonjon Karimov
Zaxira: Abdumavlon Abdujalilov, Sarvar Abdullayev, Xurshidbek Asqaraliyev, Sardorbek Isoqov, Husanboy G‘aniyev
