"Manchester Yunayted" bosh murabbiyi Joze Mourinyo jamoasining yaqin haftalarga mo‘ljallangan rejalari haqida gapirdi.

"APLda ikkinchi o‘rinni olish qiyin ammo mumkin. Birinchi o‘rin qo‘ldan ketdi, ammo ikkinchi o‘rinni olish mumkin. Biz buning uchun kurashamiz. Yevropa ligasi - juda qiyin musobaqa, ammo biz uchun bu - maqsad. Agar "Rostov"dan o‘ta olsak, chorak finalga chiqamiz. Shunda Yevropa ligasi haqida jiddiyroq bosh qotiramiz, chunki hozir biz 1/8 finaldamiz.

Chorak finalga chiqilsa, final iforini tuya boshlaysiz. Shunga qarab jamoa tayyorgarligini va boshqa ishlarni tahlil qila boshlayman. Avvaliga rahbariyat bilan fikrlashaman, ammo hozir bunga erta.

Hozircha hammasi shunday ko‘rinishda: "Bornmut" bilan o‘yin, "Rostov"ga qarshi o‘yin, Angliya kubogida "Chelsi" bilan o‘yin, keyin yana "Rostov", undan so‘ng natijalarga qarab, ish ko‘ramiz", - deydi Mourinyo.