«Roma» bosh murabbiyi Luchano Spalletti Italiya chempionatidan o‘rin olgan «Napoli» (1:2) klubiga qarshi o‘yindan so‘ng, o‘z fikrlarini aytdi.

«Vaziyatga to‘g‘ri baho berishimiz lozim. Avval imkoniyat kamroq edi, endi esa chempionatda g‘olib chiqishning deyarli iloji yo‘q.

Birinchi bo‘limda «Napoli» juda zo‘r o‘ynadi. «Roma» tempni ushlab qololmadi va vaziyatlarni yaratmadi. «Napoli» bizdan to‘pni olib qo‘ydi va xavfli o‘ynadi. Ikkinchi bo‘limda biroz yaxshi o‘ynadik, ammo gol urolmadik. Ba’zan esa omad kelmadi» - dedi Spalletti Sky Sport Italia xabarida.