Argentina chempionatining uchta yuqori divizioni o‘yinlari hamon to‘xtab turibdi.
VVS xabariga ko‘ra, Argentina futbol assosiasiyasi klublarning moliyaviy muammolarini hal qilmaguncha, chempionat o‘yinlari davom ettirilmaydi.
Avvalroq, futbolchilar maoshlarni to‘lashni kechiktirilayotgani sababli ish tashlash e’lon qilgandi. Ba’zi klublarning futbolchilardan 5 oylik qarzi borligi e’tirof qilingandi. Argentina hukumati bu muammoni hal qilish uchun AFAga 22 mln dollar mablag‘ o‘tkazib bergandi. Ammo bu mablag‘lar muammolarni to‘liq hal qilish uchun yetarli emasligi aytildi.
