O‘tgan mavsumni quyi ligada o‘tkazgan Samarqandning «Dinamo» klubi Oliy ligaga qaytishini Bekoboddagi g‘alaba bilan boshlagandi. Klub 2-turda G‘uzorning «Sho‘rtan» klubini qabul qiladi.
«Dinamo» matbuot xizmatining xabar berishicha, 8 mart kuni bo‘lib o‘tadigan uchrashuvni tomosha qilish xotin-qizlar uchun bepul bo‘ladi. Ayollar xalqaro bayrami kunida klub shunday tashabbus bilan chiqdi.
Erkaklar esa uchrashuvni tomosha qilish uchun 5 ming so‘m to‘lashi kerak bo‘ladi. Chiptalarni nafaqat naqd pul, balki plastik kartochkalarga ham xarid qilsa bo‘ladi.
Ma’lumot uchun, G‘uzorning «Sho‘rtan» klubi ham mavsumni g‘alaba bilan boshlab, o‘z maydonida Farg‘onaning «Neftchi» klubini 1:0 hisobida mag‘lub etgandi.
Oliy liganing qolgan klublari ayollar bayrami uchun qanday syurprizlar tayyorlab qo‘ygani ma’lum emas.
