Ўтган мавсумни қуйи лигада ўтказган Самарқанднинг «Динамо» клуби Олий лигага қайтишини Бекободдаги ғалаба билан бошлаганди. Клуб 2-турда Ғузорнинг «Шўртан» клубини қабул қилади.
«Динамо» матбуот хизматининг хабар беришича, 8 март куни бўлиб ўтадиган учрашувни томоша қилиш хотин-қизлар учун бепул бўлади. Аёллар халқаро байрами кунида клуб шундай ташаббус билан чиқди.
Эркаклар эса учрашувни томоша қилиш учун 5 минг сўм тўлаши керак бўлади. Чипталарни нафақат нақд пул, балки пластик карточкаларга ҳам харид қилса бўлади.
Маълумот учун, Ғузорнинг «Шўртан» клуби ҳам мавсумни ғалаба билан бошлаб, ўз майдонида Фарғонанинг «Нефтчи» клубини 1:0 ҳисобида мағлуб этганди.
Олий лиганинг қолган клублари аёллар байрами учун қандай сюрпризлар тайёрлаб қўйгани маълум эмас.
