28 fevral kuni O‘zbekiston Virtual sport o‘yinlari va kiberfutbol federasiyasi Adliya vazirligi tomonidan ro‘yxatga olindi.
Yangi tashkilot mamlakatda sport o‘yinlarini ommalashtirish, musobaqa va chempionatlar tashkil etish bilan shug‘ullanadi, deb xabar qildi UzReport.
Federasiya faoliyati sayyoraning eng kuchli 32 kiberfutbolisti bellashgan kibersport bo‘yicha Jahon chempionati ESWC (Esports World Convention)da ishtirok etish bilan boshlangan Kiberfutbol assosiasiyasi bazasida tashkil etildi.
Assosiasiya O‘zbekiston Futbol federasiyasining rasmiy a’zosiga aylanib, Professional futbol ligasining barcha klublari bilan hamkorlik to‘g‘risida shartnomalar imzolangan edi. Shunday qilib, O‘zbekistonning 20 ga yaqin futbol jamoalari o‘z tarkibiga kiberfutbolchilarni qo‘shib oldi.













