Yevropa chempionlar ligasining nimchorak final bosqichi doirasida javob o‘yinini o‘tkazish uchun Neapolga tashrif buyurgan "Real" "mehmonnavozlik"ga duch kelishdi.
AS nashri tarqatgan xabarga ko‘ra, avtobusda mehmonxonaga yetib kelgan madridliklarni 700ga yaqin "Napoli" muxlislar kutib olishgan. Ashaddiy muxlislar "Real" futbolchilarini keskin qarshi olishgan va ularning ustidan kulishgan. Bundan tashqari, fanatlar polisiya to‘sig‘ini yorib o‘tishga urinishgan, ammo huquqni himoya qilish xodimlari bunga yo‘l qo‘yishmadi.
Muxlislar orasida bir nafar italiyalik ishqiboz ajralib turdi. Oshpaz kiyimidagi ishqiboz Krishtianu Ronaldu uchun maxsus pissa pishirib olib keldi.
