Европа чемпионлар лигасининг нимчорак финал босқичи доирасида жавоб ўйинини ўтказиш учун Неаполга ташриф буюрган "Реал" "меҳмоннавозлик"га дуч келишди.
AS нашри тарқатган хабарга кўра, автобусда меҳмонхонага етиб келган мадридликларни 700га яқин "Наполи" мухлислар кутиб олишган. Ашаддий мухлислар "Реал" футболчиларини кескин қарши олишган ва уларнинг устидан кулишган. Бундан ташқари, фанатлар полиция тўсиғини ёриб ўтишга уринишган, аммо ҳуқуқни ҳимоя қилиш ходимлари бунга йўл қўйишмади.
Мухлислар орасида бир нафар италиялик ишқибоз ажралиб турди. Ошпаз кийимидаги ишқибоз Криштиану Роналду учун махсус пицца пишириб олиб келди.
