“Lokomotiv” futbol klubi yangi mavsum oldidan tarkibga 7 nafar yangi futbolchini qo‘shib oldi. Bugun “Lokomotiv” stadioni matbuot anjumanlari zalida yangi futbolchilarning tanishtiruv marosimi o‘tkazildi.
Tanishtiruv marosimida “Lokomotiv” PFK Bosh direktor o‘rinbosari To‘labek Akramov, jamoa bosh murabbiyi Andrey Miklyayev, jamoa murabbiyi Mirko Yelichich, shuningdek yangi mavsum oldidan jamoamiz safiga kelib qo‘shilgan futbolchilar – Salamat Qutiboyev, Shuhrat Muhammadiyev, Diyor Turopov, Jaloliddin Masharipov, Murod Bobojonov, Muhammad Kone, Nyore Krizo hamda OAV vakillari ishtirok etishdi.
Dastlab, “Lokomotiv” PFK Bosh direktor o‘rinbosari To‘labek Akramov so‘zga chiqib, jamoa oldiga qo‘yilayotgan vazifalarga to‘xtalib o‘tdi
So‘ng jamoa murabbiylari – Andrey Miklyayev hamda Mirko Yelichich yangi kelgan futbolchilar xususida to‘xtalib o‘tishdi
Tanishtiruv marosimining birinchi qismida futbolchilarga o‘zlari to‘p suradigan formalar topshirildi.
