«Borussiya» D hujumchisi Pyer-Emerik Obameyang jamoasiga pand beruvchi ishni qilib qo‘ydi.
Futbolchi «Bayer» klubiga qarshi o‘yinga o‘zi hamkorlik qiladigan Nike kompaniyasining emblemasi tushirilgan soch turmagi bilan chiqdi.
Obameyangning bu ishi klub rahbariyatini darg‘azab qildi. Chunki «Borussiya» Puma kompaniyasi bilan texnik hamkorlik qiladi va boshqa har qanday kompaniyaning reklamasini namoyish etishni taqiqlaydi.
«Biz bu hodisani jiddiy o‘rganib chiqamiz va tegishli choralarni ko‘ramiz» - dedi klubning sport direktori Mixael Sork bu haqda Kicker xabarida.
