Yevropa Ligasining 1/8 finaliga qur’a tashlash marosimiga qadar Joze Mourinyo Rossiya jamoalariga qarshi to‘qnash kelishni istamasligini aytgan edi.

Biroq taqidr portugaliyalik murabbiyni shunday “sovg‘a” bilan siylashni maqul ko‘rdi. Angliya Kubogida “Chelsi”ga qarshi bahsdan avval mazkur o‘yinga safar mankunyanliklarga oson o‘tmasligi aniq.”Rostov” ko‘rinishidan oddiy o‘rtamiyona jamoadek ko‘rinsada bu klub o‘z maydonida “Ayaks” (4:1), “Sparta” (4:0) va “Bavariya”(3:2) singari jamoalarni mag‘lub etib sal qolsa “Atletiko”dan ham ochko tortib olishiga bir bahiya qoldi.

“Olimp-2” stadioni chimi ham “Manchester Yunayted”ning mushkulini og‘irlashtirishi turgan gap. Bu haqida Mourinyo ham oavga qilgan chiqishida bunga alohida e’tibor qaratdi. “Manchester Yunayted” Rostovga seshanba kuni yetib kelgan.

Bu “qizil iblislar”ni muhitga moslashib olishlariga ko‘mak berishi kerak. Sababi, “Manchester Yunayted” uchun Rossiyada o‘tgan uchrashuvlar doimo og‘ir o‘tgan. To‘rtta o‘yinda bir bor zafar quchgan mankunyanliklar bu safar qanday natija bilan ortga qaytishar ekan?

Yevropa Ligasi. 1/8 final. Birinchi uchrashuv.

“Rostov” – “Manchester Yunayted”

9 mart. Rostov. “Olimp-2” stadioni

Hakam: Feliks Svayer (Germaniya)