"Olmaliq” – “Bunyodkor” (0:0) uchrashuvidan keyingi matbuot anjumanida “qaldirg‘ochlar” ustozi Sergey Lushchan ishtirok etdi.

- Natija biz xohlagan ko‘rinishda bo‘lmadi, biroq ko‘rsatgan o‘yinimiz yomon chiqmadi. “Bunyodkor” ikkinchi bo‘limda yaxshi o‘ynadi, birinchi taymda esa raqib qanotlarni yopib qo‘ydi. O‘zimizga kelgunimizcha ikkinchi taym boshlandi. Raqib jarima maydoni ichida biroz ayyor o‘ynash yetishmadi. O‘yin menga yoqdi, to‘g‘rilash kerak bo‘lgan xatolar bor. Endi bizni OCHL doirasidagi bahs kutmoqda. O‘zbekiston terma jamoasi muhim o‘yinlar ostonasida turibdi. Shu bois terma jamoa ustozlari bilan suhbatdan so‘ng kichik jarohati bor bo‘lgan Shomurodovga biroz dam berishga qaror qildik. Tarkibda uning o‘rnini to‘ldira oladigan futbolchilar bor, - deydi Sergey Lushchan.