PSJ yarimhimoyachisi Marko Verratti L’Equipe nashri bilan sudlashishga qaror qildi.
Avvalroq, Parij gazetasi futbolchini Blez Matyuidi bilan birga «Barselona»ga qarshi o‘yindan oldin tungi klubda ko‘ngilxushlik qilgani haqida yozgan edi.
Bu haqda Verrattining agenti Donato di Kampli rasmiy bayonot berdi.
«L’Equipe nashrida yozilgan gaplar – yolg‘on. Verratti – aybsiz. Biz uning sha’nini bulg‘anishiga yo‘l qo‘ymaymiz. Biz sudga murojaat qilamiz. Uning o‘yini borasida tanqid qilish mumkin, ammo shaxsiy hayotini muhokama qilishga hech kim haqli emas» - dedi Donato Football Italia xabarida.
