"Qizilqum" jamoasi boshlig‘i Hamidjon Aktamov "Navbahor" (2:1) klubiga qarshi o‘yindan so‘ng, o‘z fikrlari bilan o‘rtoqlashdi.
"Bugun o‘z maydonimizda mavsumning ilk uchrashuvi bo‘lgani uchun biroz hayajon kuzatildi. Yigitlarga va bizni havo sovuqligiga qaramay qo‘llab quvvatlagan muxlislarga minnatdorchiligimni bildiraman.
Uchrashuv boshida tezkor gol kiritilgach, mehmonlar muvozoanati tiklash uchun bor kuchlari bilan harakat qilishdi. Hisob tenglashgach, barchasini boshidan boshlashga to‘g‘ri keldi. Har ikkala jamoa ham bugungi o‘yinda g‘alaba uchun harakat qildi. Shu bois maydonda shiddatli kurash kechdi. Bu esa muxlislarga ham yoqdi deb o‘ylayman.
Eng muhimi qiyin kechgan bahsda, muhim uch ochkoni qo‘lga kiritdik" - dedi Aktamov.
