"Barselona" himoyachisi Xerard Pike Ispaniya chempionatining 27-turida "Deportivo"dan uchralgan mag‘lubiyatdan so‘ng (1:2) fikrlarini bildirdi.

"Bu o‘yinda to‘pni o‘z nazoratimizga olishga harakat qildik, ammo raqibning ikkinchi goli bizga zarba bo‘ldi. O‘yinni qutqarib qolish uchun hamma narsa qildik. Ispaniya chempionatida "Barselona" oldida ko‘p o‘yinlar turibdi. Bizning jamoa o‘zi favorit bo‘lgan o‘yilarda doim g‘alaba qozonaveradigan mashina emas.

"Deportivo" bugun haqli g‘alabaga erishdi. Chempionlar ligasida "PSJ" bilan uchrashuvdan so‘ng yuiz charchagan edik, ammo bu bahona emas. "Barselona" hali chempionlik uchun kurashda davom etadi", - deydi Pike.