«Milan» hujumchisi Karlos Bakka Italiya A seriyasi tomonidan bitta o‘yinga diskvalifikasiya qilindi.
Futbolchsi Italiya chempionatining 28-turi doirasida bo‘lib o‘tgan «Yuventus»ga qarshi o‘yin (1:2) yakunlanganidan keyin hakamga bosim o‘tkazgandi. Shuningdek, futbolchi 100 ming yevro miqdorida jarimaga tortildi.
"Yuventus"ga qarshi o‘yinning ikkinchi bo‘limiga qo‘shib berilgan daqiqalarida "Milan" futbolchisi Xose Ernesto Sosa ikkinchi sariq kartochkani olib, maydonni tark etdi. Keyin esa "rossoneri" darvozasiga penalti belgilandi. Paulo Dibalaning goli tufayli milanliklar bu bahsda mag‘lub bo‘lishdi.
O‘yin tugagandan keyin Bakka maydonni tark etayotgan David Massaga bosim uyushtirdi. «Milan» bosh murabbiyi Vinchenso Montella va klub rahbarlari futbolchini bir chetga surib qo‘yishdi va uni to‘xtatishdi.
Shu tariqa, Bakka A seriya doirasida «Jenoa»ga qarshi o‘yinni (18 mart) o‘tkazib yuboradi.